يواسيني وانا الميت

01-03-2009, 04:47 PM

السلام عليكم ورحمة الله وبركاته

اليوم عندي لكم ......

قصيدة كتبها شاب تعرض لحادث سيارة و أمه كانت معه ....

الأم توفت و هو اصابته كانت خفيفة ......

و هذي الأبيات قالها للي يواسونه.......

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

أتمنى تعجبكم .....

منقووول ...

مع تحيات...

أختكم :ملكة النور

01-05-2009, 02:45 PM

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

كــــــــــــــــلمــــــــات رائعــــه وجــــميـــله وفي نفس الوقت قــــويه

اهـــنئـــك علــى جمــال الطرح

01-05-2009, 04:35 PM

يسلمووو على الطلهـ الحلوهـ ..

ربي يعطيك العافيهـ ..

01-11-2009, 09:45 AM

شـكــ وبارك الله فيك ـــرا لك ... لك مني أجمل تحية .

01-11-2009, 11:24 AM

كلمات في غاية الروعه

والاروع انها منك

تسلم الايادي يالغلا

يعطيج ربي الف عافيه

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الأخضر يتسلح بالأرض والجمهور لاقتلاع أنياب الليث الإيراني	نـسـُانـيُ للأُســفُ	صدى الملاعب	0	10-31-2008 04:25 AM
يسر إدارة منتدى نساني للأسف أن تشكر الأخت لوسي	نـسـُانـيُ للأُســفُ	نساني للترحيب والاهداءات	8	08-28-2008 03:32 AM
تخيل إنك تصلي على ميت و الميت يغمز لك * قصه حقيقيهـ *	نـسـُانـيُ للأُســفُ	أساطير الحكايا	10	04-12-2008 01:44 PM
الميت بالهجر انا !!!	"مـ ج ـنونه بـ ع ـقل"	خواطر مكسورة	11	10-22-2007 06:07 PM
الضرب في الميت حرام يا شموووخ؟؟؟؟؟	jakal	همس القوافي	12	08-01-2007 03:23 PM

الذين يشاهدون محتوى الموضوع الآن : 1 ( الأعضاء 0 والزوار 1)