مَدَخَلَ : -
أَنْا عَزَايْ إنْ الوَفْـا مْحْتَوِنِي
وإنْ خَانْ غَيِرِي
بْعْت دَمْيِ ولاْ خُنْتْ


ياصدمتي في أكثر احبابي..وياخيبة ظنوني
ياضيق صدري..لاذكرت انّي عليهم ما كذبت
ياطعنةٍ خلّتني انسى من سبايبها..طعوني
ياجرح ماله طبّ..حتى لو أقول: اليوم طبت


البارحه..والله يكون بعون احاسيسي..وعوني
أحاول اهرب من عمايلهم ولكن ماهربت
ماكنت احسَ انّي أنا..وهذا الكون كوني
أمُرَ في حالة ضياع..وشبه غيبوبه..وكبت
أحباب..أي أحباب ذولا اللي على موتي خذوني
الظاهر اني شبت..ياعالم..وانا مابعد شبت
اللي لهم مُدّه وهُم في داخلي..واستغفلوني
ياما استغلّوا طيبتي معهم وكل اللي وهبت
وهبتهم قلبي..وشعري..وكل ماحولي..ودوني
تعبت معهم بس ماكنّي رغم هذا..تعبت


شعرت فعلاً بالعذاب..وغصّة الدمع بعيوني
قرّبتهم منّي..وانا اللي كنت احسبنّي قربت
عشانهم قررت ابيع اللي من العالم..شروني
لو ادري آخرها كذا..من أوّل الدرب انسحبت
أحبابهم واجد..ولا ادري ليه بالذات اخدعوني؟
مع انّ عمري ماخدعت انسان أوحتى قبلت


يا قوّها صدمه..وانا لون الغدر ماهوب لوني
مصدوم خِـلقه..لين مات الحب فيني وانعطبت
الله يجازيهم على استنزافيَ..وحرقة جفوني
ما كنت حاسب يبيعون الغلا..يومي حسبت


ما عاد لي رغبه أجدَد في علاقتهم طعوني
خسرت في هذا الطريق اضعاف ضعف اللي كسبت
أحسن لي ابعد واشتري نفسي ولا خيبة ظنوني
إن طبت من جرحي..وإلاّ..جِـعلني ما يوم طبت


مَخْرَجَ :- ...............................
خسَرتْ أغّلَى سنِيّنْ العُمر أدَورّ بَعضِيّ " المَفقُود " ..! ....
بُقَى لِيّ حُلمِيّ المسكيّنْ وبَعضّ أجمَل عبآرآتِيّ ..........


تحـــــيــــات القلب الكبير

البارحه..والله يكون بعون احاسيسي..وعوني
أحاول اهرب من عمايلهم ولكن ماهربت

الف شكر لكـ القلب الكبير
كلمات رائعـــــهـ,,
ننتظر المزيد..

شـكــ وبارك الله فيك ـــرا لك ... لك مني أجمل تحية .

اقتباس: المشاركة الأصلية كتبت بواسطة نساني للاسف في عز ضيقي    البارحه..والله يكون بعون احاسيسي..وعوني أحاول اهرب من عمايلهم ولكن ماهربت الف شكر لكـ القلب الكبير كلمات رائعـــــهـ,, ننتظر المزيد..

شاكرك على المرور

تحيااااتي القلب الكبير