 عسى ماشر ياللي تهجر الأحباب والاصحاب
عسى ماشر ياللي تهجر الأحباب والاصحاب
تغيب سنين من كيفك وفجأة تطلب احبابك
ترى بعض الجروح اللي تشافت بعضها ماطاب
دخيلك لا تصحصح مابقى منها من اسبابك
على ذيك المواجع تشرح الاحوال والاسباب
تفضل كمل الناقص وصفى باقي احسابك
طعنت الوجد بايدينك حبيبي والامل كذاب
ورى ذاك السراب اللي مشيته طعنت اهدابك
ترى شوق السنين الغايبة فيها الامل ماخاب
لك الله مانسيت اللي تذكرني عن غيابك
أحاول ابتعد عنك ولكن الهوى غلاب
اسرني حبك العذري من الاشواق غنا بك
على ذيك العيون الذايبة خذتني لهجة الاهداب
على تجريحت اخدودك شقاوتها تسلابك
أنا وشلون اكابر والمشاعر كلها تنساب
يضيق الكون لا قالو ا بقى من ساير اصحابك
ذكرت العطر لا منه خذا من ذوقك الجذاب
ذكرته لا تعطر من طرف كمك على ثيابك
| 
المواضيع المتشابهه 
العرض العادي
