يالله ياللـي عالـم بالضمـايـر
ياموجد(ن) روحي ويامن خلقهـا
يامن ابنوره يهتـدي كـل حايـر
تهدي نظر عيني وتهـدي أهلهـا
يشهد على ربي عليـم السرايـر
ما جيت ادور حاجة(ن) ما شرعها
مانيـب منبـوذ ولا نيـب بايـر
واعرف اميز سهلها من وعرهـا
مالي بغيره شف ولا نيـب دايـر
متربعه في وسط قلبـي وحدهـا
ماجيت معـزوم ولاجيـت زايـر
جيت اطلب فلانه وهـذا مهرهـا
وان كان حكمه جا قـوي وجايـر
فهذا نصيب النفس وهـذا قدرهـا
لو جمعو ذا اليوم كـل الحرايـر
ماهقوتي يسوون نتفـة شعرهـا
باقي على رجواه ولانيـب طايـر
نفسي على العليا تبنـي عمدهـا
متى على الله تهل منهـم بشايـر
وترتاح عيني من عناها وسهرها
ياحظي الميمون وين انت سايـر
عطني مناتي اليوم ورحل بعدهـا
جيت اطلب فلانه و هذا مهرها 
العرض العادي
