 نرمي المسؤلية على نور و سنوات الضياع والغرب وننسى عرس الدم وغيره
~ السلآم عليكم ورحمة الله وبركاته ~
في البداية كان سبب كتابتي لهذا الموضوع الذي أود من الجميع إبداء رأيهم فيه
مهند كان السبب في انفصال الزوجة عن زوجها،،
(مهند)محبوب الفتيات،،
اعجاب الفتياة بيحيى لجماله العربي،،
عيون مهند وماأدراك ماعيون مهند،،
لوجيت ربع جمال مهند،،
ليتك بس شبه مهند،،
فين الحنان والحب إلي تاخده نور عني،،
مهند يحيى مهند يحيى مهند مهند مهند،،،،،،،
ماما لميس كيف حملت وهيه مو متزوجة،،
حوار بين طالبتين في المدرسة
1:ياهبلة كيف تقولي لميس حامل وهيه مااتجوزت
2:يؤ عليكِ ماتفهمي هيه تحب يحيى وحامل منه
1:وه كيف كدة
2:هوه كدة حبها وحملت منه
^^^^^^^^^^^
ماكتبته قبل قليل كان القليل والقليل جداً مانسمعه من عبارات تنطق وتكتب، وسمعنا كتير عن طلآق بسبب قلة أدب الزوجة مع زوجها وطوالت لسانها (ليتك زي مهند،ماشفت خير من يوم ماشفتك ،وه بس فديته عيونه احلا منك، ياربي على كلامه)>>>>>وماتباه يطلقها لو مكانه بالتلاتة مرة وحدة
والحوار كان امام عين ابنة خالي في المدرسة وهي مدرسة
مالذي أوصلنا لهنا
قبل ان أبدأ بنقاشي أردت أن أرى الموضوع من عدة جوانب لامن جانب واحد كي لاأظلم أحد
في البدآية.....
الجميع يتحدث ،،،
نور مسلسل وقح
سنوات الضياع مسلسل هابط
كله من الغرب (خربوا بناتنا وشبابنا ويبغوا يدمرونا)
أنا لاأنكر أن الغرب يسعون لهدف واحد وهو هدم المرأة الإسلامية وتفريق شمل الأمة الإسلامية عامة والعربية خاصة
والله لايبلغهم
والله يرد كيدهم في نحورهم
لاكن الجميع تحدث عنهم ونسوا
عرس الدم
عيون من زجاج وغيرهم والكثير والكثير
هل نسو الكليبات العربية
سأتكلم أول عن المسلسلات:
وا أسفاااااااه
دول عربية إسلامية وفوق كل ذلك خليجية يعني كلنا يربطنا شي واحد
وننتج مسلسلات بدا الطابع
(إغتصاب/زواج عرفي/زنا/خمر ومسكرات....إلخ)
ولو جيت سألتهم ليش كدة المسلسلات قالو دا مجتمعنا
أدخل في عيونهم واقلهم كلامكم كذب ، مجتمعنا ماهو كدة ، الأشياء القذرة دي ماكانت موجودة عندنا
من متى بناتنا كانوا يخرجوا بعبي مخصرة ومكياج كامل وكشف للوجه ويوصل للشعر
من متى شبابنا كان همهم ترقيم البنت ومعاكستها والدشرة في الشارع لأنصاص الليالي
ماكان دا الشي موجود
بعد ماظهرت مسلسلاتنا إلي تحكي عن شي غريب بدأو شبابنا وبناتنا يخربوا
يمكن كان الشي دا موجود بس كان مخفي ،،
كان قليل،،،
شبه معدوم،،،
حسافة بصراحة دول اسلامية وعربية ومسلسلاتنا بدا الشكل
اتوقع الي ينتج ويكتب دي الأشياء والروايات فاهم الحياة ومجتمعنا غلط × غلط
صح القليل أتكلم على المسلسلات والبرامج الهابطة
لاكن الناس كلها اتفجرت على نور وسنوات الضياع ليش نسيتوا احنا ايش كانت مسلسلاتنا وايش تحكي
نجي للغرب
ليش ماسارت براكين النيران أيام : روزاليندا وروبي وغيرهم
مسلسلات في قمة الوقاحة والمسخرة ،، ولو جيت قلت قالوا دي مسلسلات مكسيكية اما دي تركية >>>>عذر البليد مسح السبورة
مو كلها بتنعرض في مكان واحدة(التلفزيون)
صحيح المسلسل ماينفع للصغار أبداً (طيب أحد يرد ويقلي إيش فايدة الأهل)
مالأهل يقدروا يمنعوا أبنائهم من مشاهدتها ولا صاروا يقولوا لا والله مانقدر خليهم يتفرجوا وبعدين يقولوا والله مسخرة
طيب من الأساس ليش تتفرجوا
على سبيل الميثال أيام ماكانت تنعرض روبي وروزاليندا كنت انفرش فرش واتعاقب وانضرب لو شفتهم مع انو كان عمري 15-16>>>>>ترى العمر يعتبر صغير بالنسبة لمسلسلات زي كدا
كان ممنوع اشوفهم لأنهم مو لي سني ولاهم لعمري
الحمد لله والشكر دحين حقون الروضة الاقيهم على كل شي >>>>>مفتحين أكتر مني
ولو قلت لأهلهم وسمعتها بإدني (يوه ياسكر خليهم يتفرجوا إيش رح يصير)>>>>كنت رح أعطيها كف وانا أقلها مسخرة تخلي بزورتك يشوفو دي المسلسلات
ولاحد يطلع عذر لأنه في برامج للصغار زي مافيه للكبار
وكل مين يقدر يمسك بزورته
يعني من الأخير ،،،
التلفزيون لوه ريموت تقدر تغير المحطة وسلآح ذو حدين ،،
وبزورتك في يدك شيلهم من صالة المعيشة وقت نور ولاسنوات الضياع إن حبيت تشوفها ودخلهم غرفهم
~~~وياريت نشتغل على مسلسلاتنا الهابطة بدل مانطلع عيوب مسلسلات غيرنا وننسى انفسنا~~~
ثانياً :
الفيديو كليبات
&&من يوم مادخل الدش دولنا بدأ خراب الجيل&&
ماكانوا يقدروا يمنعوا دخوله ولاكان عيب بعدين مانسير مطورين زي غيرنا ،، كان ممكن نعمل دش خاص فينا
لحد يقول مانقدر ،، نحنا نقدر بس مافينا حيل،، خليناهم همه يفكروا ، همه يدبروا، همه ينجزوا،،،
وفي النهاية يفرحوا بتهديم شبابنا وفتياتنا
من متى كان للأغاني كليبات ماصخة
على قولة إلي قالت
*إلي عنده صوت حلو يعليه وإلي عنده جسم حلو يعريه*
حسافة وبجد شي يزعل
لدي الدرجة وصلنا
قلة الأدب تجري في الكليبات بشكل مو طبيعي
قلنا اللبنانيات والمغربيات وغيرهم من العرب
لاكن توصل لكليباتنا يحنا الخليجين
خير إن شاء الله
إيش إلي صابنا
ترى ماكترت البلآوي والمصايب إلا من بعد الكليبات الفاجرة
وإلي يرفع الضغط ويشوه صورتنا قدام العالم كله وخصوصاً الغرب إلي يدوروا نقاط ضعفنا بشتى الطرق
انهم يشوفوا المناظر دي
مغني مسلم وعربي وخليجي وأزيدكم من الشعر بيت ساعات يكون سعودي
الكليب حقه مافي فرق بينه وبين الغربي
ومن دون توجيه اصبع الإتهام لأي أحد >>>>>>>إلي على راسه بطحة يحسس عليها
ياعالم إيش إلي صار
لحد يقول الزمن اتغير
*نعيب الزمان والعيب فينا*
وعلينا برامج تجيب المرض >>>>>>>أكترها إزا مو كلها تقليد للغرب
وفي مامعنى الحديث : إذا دخلو جحر ضب لدخلتموه
مسلسلآت وقحة،، كليبات فاجرة،، برامج هابطة،،،
وفي الأخير يبو جيل واعي
لا والجيل إلي يحرر فلسطين
فينكم ياأحفاد الصحابة ياأخوان الرسول صلى الله عليه وسلم
وفي الأخير
أصابع يدي مو زي بعض
والخير لسة موجود
وفي برامج وقنوات رائعة
| 
المواضيع المتشابهه 
العرض العادي
