أنواع البنات....لووووول بس من غير زعل

07-18-2008, 04:11 AM

جبتلكم كم نوع من أنواع البنات بس أتمنى أنو محد يزعل مني لأن الصراحة في منهم كذا و أنا شفتهم بعيني

1- الكشيخه:
هذي من تشم ريحة طلعة
تروح تطق لك الميك آب وتلبس ذاك اللبس وتقعد تتفخ بهالشعر
يعني مايهمها رايحه سوق ..جامعة..زيارة عائلية ...كاشخه كاشخه لو انشاء الله تاخذ لفة حول البيت
____________________________

2- الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها
لكن فيه دلع عن دلع يفرق
الدلع الطبيعي..يااااااااااااااااااااحلوه
لكن الدلع المصطنع ..وووويييييييييع ع ع يغث يلوع الكبد ..ودك تشوتها إذا جات تتكلم
______________________________

3- الكذابه :
هذي الكذب عندها ماشي سوقه .. جيب لكم ذيك السالفة وتدري انكم ماتصدقونها بس ماعليها من أحد
(سيارتي وسيارتي وهي حتى قاري ماعندها
فلانه تدرين من خطبني فلان الفلاني اصل وفصل وجمال ووووو بس رفضته!!!!
وااااااي وين ماروح الكل معجب فيني بس انا مااعطي وجه
لايكون مارلين مونرو وانا مادري؟؟؟
واهيه زنوبة الضاحي أحلى منها
__________

4- العصبيه :
فيه نوعية من البنات تعصب بسرررررعة .. وما تخلي أحد ماتتهاوش معاه... ولو تقولها شفيش؟حذفتك بأكبر ما عندها
هذي لو تمر الذبانه عند خشمها ياويلها<<<راحت وطي الذبانه
____________________________

5-الملسونه :
عسى ما تقولها كلمه إلا ردت عليك بعشر
يعني تشوف صبي بحااالة مادرى عن أحد.. وتقول : شوفي هذا قليل الأدب من الصبح يلحقنا ..
مالت عليه ..يبيله أحد يأدبه.. لازم أهزئه عشان يحرم يلحق أحد!!!!! ..
_____________________________

6-القراااقه :
اووووووووووه هذي النوعية تخلي الواحد يصدع
يعني تسولف تسولف تسولف... ويالله سكتها إذا كنت شاطر
من وين جيب هالسوالف ماأدري.. وأتحدى إن خلتك تسولف
_____________________________

7- المسكينه :
فيه بنات مساكين لكن موواجد .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
لوتقطها بشبر ماي تغرق...
______________________________ _

8-فرفووووووشة:
يعني تحب الضحك والفرفشة والتعليق .. النكد والغم ماتعرفة .. وتتعب نفسياً اذا قعدت مع ناس دمهم ثقيل
وحتى لو كان مامعاها احد يضحك ويسولف .. تروح تشوف وجها بالمنظرة وتقعد تعلق على نفسها وتضحك
______________________________ _

9-المغروورة:
ويااااكثر البنات اللي شايفين روحهم .. بعض البنات يحق لها تشوف نفسها..
لكن اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ...
_____________________________

10-العنيدة:
في بنات راسهم ياااااااااااااابس
يعني إذابغوا شي سووووووووووه وماهمهم أحد
تنجلد.. تنطق.. تنحبس.. تتصفق.. ترضخ فالعقال ..ماعليها أهم شي اللي في بالها سوته
______________________________ _

-11الحنانه :
هذي الفئة ماشيه على هالمثل..( كثر الدق يفك اللحام )
هذي ياويلك منها إذا بغت شي خذته بس موبالعناد لا بالدندره
يعني إذا بغت شي تقعد تحــــــــــــــــــــــــــــ ـن على راسك لما تعطيها اللي تبيه عشان تفتك من حنتها
___________________________

12-الكريمة:
هذي عجيبه عسى ماتقول أبي شي إلا وهيه جايبته لك ..
وإذا راحت مكان خلصت اللي في البوك كله <<
______________________________

13- غيورة :
كل البنات يغارون لكن بنسبه تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهذي الغيرة زينة
لكن البعض الآخر يغاررون ويحشووون ويحقدون وبس وهذي الغيرة شينة <<< عاد ياكثر اللي يغارون مني ليش ماأدري
______________________________ _

14-القزيزة:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح السوق شفاحه هذي هي هوايتها
______________________________ ___

16-الشيفة :
تلقاها دايم في المطبخ تحوس
ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها
_______________________

-17 أم دميعة :
هذي لو تقولها ..هيه.. بكت
دمعتها قريبة وعلى طول تبكي
ـــــــــــــــــــــــــــــــــــــــــــــ

-18 المليقة:
وهذي مسكينة غثيثه واهيه ماتدري تحاول تسولف وتجذب الانتباه بس محد صوبها سوالفها بايخه وغبيه وعبالها كلش اسكت مع سوالفها وغشمرتها ثقيلة وسخيفة

07-18-2008, 05:13 AM

هههههههههههههههههههههههههههههههههههههههههههههههههه هههههههههههههههههههههههههههههههههههاي

<<< ميته ضحك

خخخخخخخخخخخخخخخخخخخخخخخخخخخخخخخخخخخخخخخخخخخ

حللللللللللوه منك و ربي صادق

بس ابي اعرف ليه اذا جت صفه زينه في البنت قلت هذي قليل مثل البنت المسكينه

و اذا دت صفه شينه قلت هذي كثير مثل المغروره

هههههههههههههههههههههههه

-17 أم دميعة :
هذي لو تقولها ..هيه.. بكت
دمعتها قريبة وعلى طول تبكي

هذي انا اشهد انها فيني لاني بالمره حساسه

يعافيك على الموضوع الحلو

07-18-2008, 07:12 AM

الحين الي في المطبخ شيفه والله انك ماتدري ياسديم

وبعدين انا اطلبلي هذي الملسونه احب هالنوعيه خخخخخ

تحياااااااااااااااااااااااااااااااتي

07-18-2008, 04:14 PM

5-الملسونه :
عسى ما تقولها كلمه إلا ردت عليك بعشر
يعني تشوف صبي بحااالة مادرى عن أحد.. وتقول : شوفي هذا قليل الأدب من الصبح يلحقنا ..
مالت عليه ..يبيله أحد يأدبه.. لازم أهزئه عشان يحرم يلحق أحد!!!!! ..

هههههههههههههههههههه

07-18-2008, 04:36 PM

14-القزيزة:
هذي لو تجيب طاري السوق وهي نايمه فزت
ودااااااايم دووووم بالسوق ..لو ماتشتري بس تروح السوق شفاحه هذي هي هوايتها
ههههههههههههههههههههههههههههههههههههههههههههه ههه <<<<< هذى الصفه تذكره بنت عمها ههههههههههه كل يوم وهى بسوق ماتطفش منه ههههههههههههههههههههههه

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنواع الشـباب في الحب ..؟ ؟؟	هموووسه	عالم اٌدم	11	10-07-2009 04:07 PM
أنواع صيغ الفوتوشوب !	دلوعه وكلمتي مسموعه	التصميم والجرافكيس- دروس تصميم	10	03-15-2009 06:10 PM
أنواع الحطب	نـسـُانـيُ للأُســفُ	المواضيع العامة	10	12-01-2008 01:17 PM
صور لكل أنواع Bmw	شيطونه عسل	عالم السيارات والدراجات -carc -motorcyles	23	11-30-2007 10:06 PM
أنواع القلوب	همس اليالي	المواضيع العامة	6	09-30-2007 03:06 PM

الذين يشاهدون محتوى الموضوع الآن : 1 ( الأعضاء 0 والزوار 1)