![61[1]](images/icons/61[1].gif) والله العظيم يخليه الكل يسأل عنها قطنننننننن وبس واول مره اقول لاحد طريقتها!! لجميع ا
[
بسم الله الرحمن الرحيم
السلام عليكم ورحمة الله وبركاته
ياحلوات اليوم بقولكم طريقتي للخليه واللي الكل على ضمانتي بينهبل عليها على فكره انا احيانا اسويها فطاير وبرضوا تطلع خيااااال
انا اسويها اكثر شي برمضان والله اذا كان عندنا احد مايصدق انه شغل بيت قولوا ماشاء الله عاد<<<<مطوله
وانا تعلمتها من 6سنوات علمتني اياها شغالة خالتي الله يوفقها وين ماكانت<<<اخلصي يابنت الحلال انتي تقولين قصة حياتك
اولا المقادير:
-ملعقه صغيره ملح
-ملعقه متوسطه سكر
-ملعقتين كبار شوي خميره
-بيالة زيت
-3ملاعق حليب جاف
-كاس مويه حار(انتبهي مو مغلي بس حار)
-بيضه وحده
دقيق( والكميه اقولها لك بعد شوي)
الطريقه:
تجيبين وعاء كبير شوي وتحطين فيه ملعقة الملح والسكر والخميره والزيت والبيضه وبعدين تخلطينهم مع بعض يمكن 3 دقايق
وبعدين تجيبين كاس المويه الحار وتحطين فيه الحليب الجاف وتخلطينهم كويس داخل الكاس لحد مايصير وكانه حليب سائل وتضيفينه للخليط السابق
وبعدين حطي الخليط بالخلاط حوالي 5 دقايق
وبعدين تجيبين الدقيق وتضيفين منه ملعقه على الخليط وهو بالخلاط وكل شوي تضيفين ملعقه لحد مايصير ثخين شوي وبعدين تطفين الخلاط وتعجنيينه بيدك وتستمرين باضافه الدقيق لحد ماتكون عجينه لينه شوي اهم شي ماتكون جافه وبعدين تغطين وعاء العجينه بكيس نايلون ولفيها كمان بمنشفه فوق الكيس وتدخلينها الفرن وهو دافي شوي(يعني قبل ماتدخلين العجينه ولعي الفرن دقيقه وسكري بعدين دخلي العجينه)وخليها تتخمر من نصف ساعه الى ساعه
وبعد ماتشكلينها ادهني الوجه بصفار البيض وبعد ماتدخلينها بالفرن وتخلص صبي عليها عسل مو شيره اطعم واكثر فايده واي سؤال انا جاهزه وبالهنا والشفاء
ماابي منكم الاتدعون لي بالتوفيق هالسنه وان الله ييسر اموري
**ودمتم بود[/3mr]
| التوقيع |  | | 
المواضيع المتشابهه 
العرض العادي
